The Story of My Failure - daily blog - 31 October 2020

The Story of My Failure - daily blog - 31 October 2020

2014:

mera ek frnd hua karta tha Chintu naam ka, tuition pe saath the, and ache friends the hum. Mein uske ghar jaata tha vo aata tha, PC pe beth ke tp karte the, uske paas android phone tha, padne ke bahane aata tha aur padhai kam hum khelte jyada the.

So 9th mein result tha around 50-55%.

Yeh sab dekh ke chintu se dosti kam karwa di parents ne.

2015: 

Mom-Dad: 10th hai ache se padhai kar , time waste mat kar.

TV channel nikal di thi, phone tha keypad nokia 2690. 

Ab ek tuition thi meri all subjects ki and parents ne bola Sci. and maths ki extra tuition le kyuki vo jyada imp hai.

4 to 6.30 PM tuition hoti thi meri all subjects ki and extra tution 7 baje. Cycle pe jata tha extra tuition pe, 

Vaha jo sir the vo mere friend Mohit ke papa the, Mohit 9th se tuition mein saath tha.

Aur mohit ko jyada kuch padhai mein intrest tha nahi, ab mein jaane laga tha tuition and hum padte the thoda fir masti krte the last mein and mein aajata tha ghr cycle pe.

Kuch dino tak esa hi chalta raha.

Fir meri aur mohit ki dosti badhti gyi,

And fir mein noon mein yaa morning mein uske ghar jaane laga, padna to ek bahana tha vaha pe jake masti aur time pass karte the. Fir noon mein khane ki jagah nasta khate the vo bhi bahar se, and then 4 baje all subj ki tuition hoti thi toh mohit ke paas activa hoti thi, vo mujhe 4 baje le chalta and 6.30 ko vaapas le aata(vo bhi udr tuition mein hi tha). 

Yeh ese hi chalta raha. bich mein, mein thoda serious hua, ghar pe padne laga and mohit ke paas jaake masti.

So isliye mein fail nhi hua mere 60.5% aaye, and mohit ke 53% shayad.

2016:

Ab aaya 11th science, mohit ne bhi mujhe dekh ke science liya and jo 10th mein hua, vahi repeat hua phir se par ek change tha. Jo mein ghar pe padta tha na, vo bhi mene band kar diya.

PCM => Physics,Chemistry, Maths

sem1 percentage(P,C,M): 43.67%

sem2 percentage(P,C,M): 25%

2017: 

sem 2 mein fail hua, toh dimag chla and fir parents ne dosti kam karwa di mohit se,

And meri khud ki bhi aankhein khul gyi. So mehnat ki thodi,

sem3 percentage(P,C,M): 53%

sem4 percentage(P,C,M): 48%

Ese hi nikla mera 10th se 12th ka safar

Saari galitya meri khud ki thi.

Bht roya bhi tha fir jaake thodi samaj aayi thi.

Over All 12th % => 57.07%

Computer Engineering: 

Mera ek dream tha ke koi computer ki field mein hi future banana hai,

And colleges ke CE cuttoff bht jyada the, bht try kiya clgs mein par nahi mil rha tha.

Sab bol rhe the have patience mil jayega, Hum 4 jane the 11th 12 th ki tuition mein. Punit and Rohit ke around 80% the toh unko admission mil gyi GIT mein, Vese vo clg acha lag rha tha (uss time pe) Mohit ne 1.2 Lakhs donation di and leliya.

Mujhe tension ho rha tha bht milega yaa nahi, so 90k donation deke le liya mene admission. Clg chalu hua and pta chala kisi ko bhi mil rha tha admission Last open round mein.Agar patience rakha hota toh mil jata. Yahi sab dekh ke mein upset ho gya pehle 10th 12th ka and phir donation ka.

Clg chalu hua and mujhe samaj aane laga tha thoda bht, kuch kuch problems pad rhi thi kyuki mera 11th 12th ka base clear nahi tha, but itni kuch jyada problem padi nhi, manage ho rha tha sab

1st sem: 8.20 SPI

2nd sem: 8.23 SPI

3rd sem: 8.39 SPI

4th sem: 8.76 SPI

5th sem: 9.20 SPI

6th sem: 9.79 SPI

Ab 7th sem khtm hone aaya hai 20 days ke baad exams hai, and mere liye ab tak start bhi nahi hua hai.

Kab karunga i dont know.

Lockdown ne sab kharab kar diya hai

mera schedule

mera confidence

mera interest

aur bhi bht kuch.

GATE ka coaching start kiya tha June 2019 mein, socha engineering mein ache marks aa rhe hai toh vaha pe bhi mehnat karke leke aaunga.

But questions ka level bht high hai, agar mujhe acha score karna hai toh din ke 5 - 6 Hours padhna padega. 

Vo mere se ho nahi rha.

Abhi placement ka scene chall rha hai

jyada companies aayi nahi hai ab tak, kuch kuch hai achi

mene 2 test diye haoi aptitude ke, par unka level bhi hard hai. Mein prepare karta hu thoda bht par problems aarhi hai kyuki problems are based on 9th, 10th, 11th and 12th concepts. So bht problem ho rhi hai.

So,

GATE ho nhi rha

Job ka interview de nahi paa rha

Ab aage kya hoga mujhe khud nahi pata.

Mere friends ka job lag rhaa hai, mujhe unse jyada practical knowledge hai fir bhi...

Jo bhi ho rha hai mein khud iska jimmedaar hu

Sab jante hue bhi 

mene padhai nahi ki

mehnat nahi ki

struggle nahi kiya.

Ab kya hoga mera I REALLY DON'T KNOW.

This was the story of my failure.

Bye